VIDEO/ Pastrohet bregu i liqenit të Pogradecit

 

TIRANË, 16 prill /ATSH/ Punonjësit e sektorit të shërbimeve në bashkinë e Pogradecit, kanë nisur pastrimin e bregliqenit, duke respektuar masat e mbrojtjes nga COVID-19.

Bashkia Pogradec njofton se, po vijon zbatimi i projekteve në veprat publike të bashkisë, çdo ditë, pavarësisht situatës së pandemisë.

Krahas punimeve për mirëmbajtjen e rrugëve rurale, puna po vijon për të patur një bregliqen të pastër. Ekipet po punojnë për heqjen e mbetjeve të akumuluara gjatë stinës së dimrit, për bërë gati për sezonin e verës.

Liqeni i Ohrit është një nga liqenet më të mëdha në Gadishullin e Ballkanit dhe llogaritet si një nga liqenet më të vjetra në botë.

Ai ka një sipërfaqe prej 349 km². Në bregun e liqenit shtrihen tre qytete të mëdha: Pogradeci për pjesën shqiptare, Ohri dhe Struga në pjesën e Maqedonisë së Veriut. e.xh/j.p//r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.