TIRANË, 17 janar/ATSH-A. Fortuzi/- Marko Pjaca është pranë transferimit te “Lazio”. Futbollisti i rikuperuar nga një dëmtim i rëndë kërkon të ketë më shumë hapësira dhe “Lazio” është një destinacion i pëlqyer.
Sipas medieve italiane, menaxherin i kroatit, Marko Naleteliç, ka një ide për klientin bardhezi, duke përfituar edhe nga shoqëria me shqiptarin Igli Tare për ta transferuar në Romë.
“Marko u pa qartë që ishte shumë i lumtur për t’u rikthyer në fushë, pas një periudhe shumë të gjatë. I mungonte atmosfera e shtëpisë që thith në Torino, ku ndeshjen e fundit, në këto nivele, e kishte luajtur gati 3 vite më parë. Ishte një mungesë e gjatë, një seri dëmtimesh të vështira, por tashmë është rikthyer”-, tha Naleteliç.
“Madje, gjëja më e bukur ishte fakti që u prit mirë jo vetëm nga tifozëria, por edhe nga shokët e ekipit. Ka vlerësimin maksimal të tyre, por edhe të trajnerit Sarri dhe stafit të tij. Diçka e tillë është shumë pozitive. Ku do të jetë e ardhmja e tij? Do ta bisedojmë këto ditë dhe do të gjejmë një marrëveshje në të mirë të Pjacës dhe të Juventusit”-, shtoi Naleteliç.
“Po ju zbuloj se u pëlqen shumë skuadrave në Itali, mes të cilave edhe Lacios. Ai që ma ka kërkuar personalisht është Tare, me të cilin dëgjohem shpesh, pasi Igli është një ndër miqtë e mi më të ngushtë. Gjithsesi, mes nesh nuk ka pasur kurrë një bisedë serioze për Markon dhe ndoshta për rolin që mbulon klienti im, Lacios nuk i duhet për momentin”-, u shpreh Marko Naleteliç. /a.a/
