TIRANË, 27 nëntor /ATSH/ – Trupa e Teatrit Kombëtar i bën thirrje të komunitetit të artit skenik dhe të gjithë publikut artdashës të solidarizohen me aktorët dhe stafin e Teatrit Kombëtar për t’ju ardhur në ndihmë të gjithë të dëmtuarve nga tërmeti.
“Tek holli i ArTurbina, jemi mbledhur të gjithë për të kontribuar sa më shumë për banorët e prekur nga tërmeti shkatërrimtar. Në emër të respektit për jetën dhe humanizmin, le të bashkohemi së bashku për të ardhmen e fëmijëve, atyre foshnjave që në ditët e para të jetës po përballen me një dukuri shkatërruese”, – thuhet në njoftimin e Teatrit Kombëtar.
Trupa e teatrit thotë se vëmendja e tyre është kryesisht e përqendruar në produkte për fëmijët e vegjël.
Holli i ArtTurbina është i hapur çdo ditë nga ora 07:00 deri në 22:00 për të mirëpritur ndihmat. /a.h/
