TIRANË, 1 nëntor /ATSH/ – Ministri i Shtetit për Mbrojtjen e Sipërmarrjes Eduard Shalsi ishte i ftuar në forumin e ekspertëve të fondacionit Friederich Ebert Stiftung.
Në këtë forum, tematika në të cilën u fokusua biseda ishte lidhur me sfidat e ekonomisë në vendin tonë.
“U njoha me opinionet e ekspertëve të fushave të ndryshme, ndonëse nuk rashë dakord me një pjesë prej tyre. Por, debati ishte i shëndetshëm dhe i vlefshëm”, tha Shalsi.
Ndër të tjera, ministri shprehet se “Klima e biznesit në Shqipëri ishte një ndër temat që raporti “Doing Business” nxori në pah se kemi ende shumë punë për të bërë. Ndaj, përfshirja e ekspertëve dhe diskutimet konstruktive janë rruga e duhur për të realizuar përmirësime”.
