TIRANË, 21 shtator/ATSH/ PAMECA V organizoi këtë javë takimin e pestë të Bordit Drejtues të Palëve të Interesit, që mblodhi së bashku përfituesit e PAMECA V dhe aktorët përkatës.
Ky takim u bashkë-kryesua nga Carlo D`Achille, Drejtues i Projektit, Mario Mariani, Drejtues i Bashkëpunimit Delegacioni i BE-së, Rovena Voda, Zëvendës Ministër i Brendshëm, Adnand Kosova, Drejtori i Studimeve, Inspektimit, dhe Çështjeve të tjera Ligjore, Prokuroria e Përgjithshme, Aida Hajnaj, Zëvendës Drejtore e Përgjithshme e Policisësë Shtetit. Në takim morën pjesë gjithashtu përfaqësues të institucioneve partnere.
Drejtuesi i Projektit prezantoi Raportin e katërt të Progresit për periudhën e zbatimit shkurt – korrik 2019 dhe Planin e Pestë të Punës së aktiviteteve për semestrin e ardhshëm, gusht 2019 – janar 2020. Z. D`Achille, prezantoi gjithë asistencën që është dhënë përfituesve lidhur me të pestë komponentët e projektit (lufta kundër krimit të organizuar, antiterrorizmi, menaxhimi i integruar i kufijve, planifikimi strategjik & TIK dhe menaxhimi i burimeve njerëzore), përkatësisht, trajnime & seminare, mbështetje këshilluese, konferenca, vizita studimore në shtetet anëtare dhe ushtrime praktike në terren për oficerët e policisë dhe punonjësit e tjerë të PSH, oficerët e policisë gjyqësore, gjyqtarët, prokurorët, studentët e Akademisë së Sigurisë, duke përqendruar jo vetëm Tiranën, por edhe rrethe.
Përfituesit vlerësuan asistencën e dhënë dhe bashkëpunimin me PAMECA V. Përfaqësuesit e institucioneve kryesore të përfituesve theksuan se është shumë e rëndësishme për ta mbështetja e dhënë për të rritur kapacitetet jo vetëm në Tiranë, por edhe në rajone, përfituesit gjetën shumë të dobishëm dhe afër nevojave të tyre, planin e punës së aktiviteteve. Për më tepër, ata vlerësuan rekomandimet e dhëna nga projekti për të trajtuar më mirë sfidat përpara.
Gjatë mbledhjes, u prezantuan disa sugjerime nga ana e përfituesve, lidhur me zbatimin e aktiviteteve të përbashkëta. Z. D`Achille i siguroi palët se të gjithë sugjerimet e tyre do të reflektohen respektivisht në Planin e Punës. /j.p/
