TIRANË, 20 shtator /ATSH/ – Filmi i shumëpritur nga publiku, “Maleficent 2” do të vijë për publikun në kinema më datë 18 tetor, ndërsa vetëm disa orë më parë është publikuar kolona e re zanore e filmit.
Kolona zanore e filmit u këndua nga artistja shqiptare me famë botërore, Bebe Rexha. Vetë Bebe e ka ndarë këngën me fansat në rrjetet sociale, duke treguar se ky është projekti i saj i ri.
“You Can’t Stop The Girl” titullohet kënga e zhanrit baladë, tematika e së cilës i përshtatet më së miri filmit ku në rol kryesor është Angelina Jolie.
Kjo kolonë zanore shënon një tjetër sukses për këngëtaren, e cila tashmë është në kulmin e karrierës së saj.
Tre javë më parë, Bebe Rexha solli një këngë me rastin e 30-vjetorit të saj, titulluar “Not 20 anymore”, këngë me të cilën bëri bujë të madhe. “Not 20 anymore” u prit mjaft mirë nga publiku dhe vetëm në 3 javë, numëron plot 5.4 milionë klikime në Youtube. /a.a/j.p/
