TIRANË, 29 gusht/ATSH/ Me aparaturat mjekësore të teknologjisë së lartë dhe me ndërtimin e spitalit të ri u sigurua përmbushja e standardeve të cilësisë, që akreditoi spitalin e Elbasanit.
Ministrja e Shëndetësisë dhe Mbrojtjes Sociale, Ogerta Manastirliu thotë se tashmë pacientëve u ofrohet një shërbim shëndetësor cilësor dhe kushte bashkëkohore për 275.000 banorët e këtij qarku.
E ndërtuar në vitin 1976, ngrehina 3-katëshe, e cila qëndronte si gërmadhë brenda ambienteve të kompleksit spitalor të Elbasanit, u rikthye në spital modern, me kapacitet 75 shtretër dhe pajisje të reja të teknologjisë bashkëkohore. Ky spital nisi nga dje funksionimin.
2018 ishte viti kur nisi procesi i akreditimit dhe rankimimit të institucioneve shëndetësore për të çuar shërbimin shëndetësor në një nivel të ri që ofron cilësi dhe garanci për qytetarët.
z.tosku/j.p/
