TIRANË, 28 gusht /ATSH – I. Vata/ – Bashkia Mat vazhdon pastrimin e hapësirave publike nga mbetjet urbane dhe inertet në qytetit e Burrelit.
Punonjësit e bashkisë Mat prej ditësh edhe në vazhdim të ditës së sotme vijojnë pastrimin qytetit, jo vetëm në qendër por dhe në çdo lagje.
“Jemi te Muzeu Historik, Lagjja e re, fusha e stërvitjes dhe pallati i sportit “Ferit Hysa”. Pastrimi i hapësirave publike do të jetë prioritet i Drejtorisë së Shërbimeve Bashkiake në të gjithë territorin e Bashkisë Mat”, shprehet bashkia. /j.p/
