PRISHTINË, 24 mars /ATSH/ Kryetari i Nismës Socialdemokrate, Fatmir Limaj, ka kujtuar 21 vjetorin e Epopesë së Dukagjinit.
Limaj ka thënë se pikërisht 21 vjet me parë në Gllogjan okupatori serb e mori përgjigjen më të mirë se shqiptarët ishin të vendosur ta çonin deri në fund amanetin e komandantit legjendar, Adem Jashari.
Epopeja e Dukagjinit, thotë Limaj se është fillimi i zgjerimit të madh të luftës së UÇK-së në mbarë vendin.
“Në 21-vjetorin e kësaj beteje, kujtojmë me nderim të lartë të rënët në këtë betejë dhe rezistencën heroike të UÇK-së përballë forcave policore dhe ushtarake serbe. Lavdi dëshmorëve të rënë në këtë betejë dhe gjithë dëshmorëve të Kombit”, ka shkruar Limaj në llogarinë e tij në ‘Facebook’. /KosovaPress/ j.p/
