TIRANË, 1 mars /ATSH – I. Vata/ – Në sitën e Vetingut më 4 mars, do të kalojë Marsida Xhaferllari, inspektore e Lartë e Drejtësisë.
Komisioni i Pavarur i Kualifikimit do të zhvillojë një seancë dëgjimore më 4 mars, ora 11:00 me subjektin e rivlerësimit Marsida Xhaferllari, inspektore e Lartë e Drejtësisë.
Po ashtu, Komisioni i Pavarur i Kualifikimit ka bërë prezent dhe trupën gjykuese që përbëhet nga Firdes Shuli, Roland Ilia, Xhensila Pine.
Marsida Xhaferllari, inspektore e Lartë e Drejtësisë, do t’i nënshtrohet Vetingut për tre kriteret klasike atë të ligjshmërisë së pasurisë, kriterin etik dhe atë profesional. /a.g/
