BRUKSEL – Mogherini: Ende tragjikisht shumë ekzekutime

BRUKSEL, 27 shkurt /ATSH-ANSA/ – Viti 2018 ishte një vit ndryshimesh pozitive me lajme inkurajuese, por numri e ekzekutimeve të dënimeve me vdekje mbetet tragjikisht i lartë, theksoi përfaqësuesja e BE Federica Mogherini në Parlamentin Europian me rastin e kongresit të shtatë botëror kundër dënimit me vdekje.

“Për këtë arsye, ne do të vazhdojmë të punojnë për të shpëtuar sa më shumë jetë duke mbështetur shoqërinë civile, rezolutat dhe angazhimet e OKB-së”, shtoi ajo.

Në fjalimin e saj, Mogherini theksoi se është “krenare për të përfaqësuar Bashkimin Europian sot”, duke kujtuar se si ”evropianët kanë rënë dakord se dënimi vdekje është i papajtueshme me vlerat dhe besimet”.

“Unë jam e bindur se në një kohë jo shumë të vonë mund të afrohemi në qëllimin tonë të përbashkët, atë të një bote ku krimi ndiqet me drejtësi, jo me hakmarrje dhe ku jeta dhe qenia njerëzore është një vlerë universale, e respektuar dhe e mbrojtur”, shtoi ajo./  /os/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.