TIRANË, 21 shkurt /ATSH – I. Vata/ – Pas dy orësh, protesta e opozitës u zhvendos nga Parlamenti të Kryesia e Kuvendit, pas thirrjes së Bashës që qytetarët t’i shoqërojnë deputetët e opozitës në finalizimin e dorëzimit të mandateve.
“Të gjithë pas meje për të finalizuar këtë akt historik”, theksoi Basha, duke mbyllur protestën e opozitës para Parlamentit.
Lideri i opozitës, Lulzim Basha ka hyrë në ambientet e Kryesisë së Kuvendit dhe kreu dorëzimin e mandateve të deputeteve, sipas procedurës, ndërsa deputetët dhe protestuesit vazhdonin të qëndronin para Kryesisë së Kuvendit.
Pasi doli nga Kryesia e Kuvendit, Basha ka njoftuar qytetarët për dorëzimin e mandateve, duke marrë rrugën së bashku me ta përgjatë bulevardit.
/j.p/
