TIRANË, 14 shkurt /ATSH/- Kushtet monetare lehtësuese kanë favorizuar rritjen e kredisë në lekë dhe uljen e kostos së shërbimit të borxhit.
Normat e interesit në lekë mbeten në nivelet më të ulëta historike, për të gjitha segmentet e tregut financiar. Normat e interesit në tregun primar të letrave me vlerë u ulën më tej në tremujorin e katërt, pas emetimit të Eurobond-it 2025 dhe uljes së kërkesës të qeverisë për financim të brendshëm.
Banka e Shqipërisë vlerëson se, rritja e kredisë në lekë ka mbështetur rritjen e kërkesës së brendshme. Në muajin dhjetor, kredia në lekë zinte 48.4% të kredisë në total, ose 1.3 pikë
përqindje më shumë se një vit më parë. Bankat mbështesin në mënyrë të
qëndrueshme me kredi individët, ndërsa përqasja e tyre ndaj bizneseve mbetet
konservatore, citon BSH. e.xh/j.p/
