KFOR-i nis stërvitjet ushtarake në të gjithë Kosovën

PRISHTINE, 9 janar /ATSH/ -Ushtarët e KFOR-it nga sot nisin stërvitjet ushtarake në të gjithë territorin e Kosovës, përfshirë edhe veriun.

Mandati i KFOR-it në vend mbetet i pandryshuar në Kosovë dhe do të vendosë trupat në të gjithë territorin e Kosovës.

“Mandati i KFOR-it mbetet i pandryshuar. Do t’i kontribuojë garantimit të një ambienti të qetë e të sigurtë dhe lirisë se lëvizjes për të gjithë qytetarët e Kosovës,  ashtu siç është mandatuar nga Rezoluta 1244 e Këshillit të OKB-së. KFOR do të ketë një ushtrim dhe do të vendosë trupa në tërë territorin e Kosovës. Do të ketë lëvizje të trupave në gjithë Kosovën. Ushtarët e KFOR-it trajnohen që të jenë të gatshëm që të dislokohen shpejtë, nëse rrezikohet ambienti i qetë dhe i sigurtë, dhe liria e lëvizjes”, bën të ditur  KosovaPress.

Stërvitjet nisin sot deri më 11 janar./KosovaPress//e.malaj/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.