PRISHTINE, 22 dhjetor /ATSH/ -Kryeministri i Kosovës, Ramush Haradinaj, u ka shprehur ngushëllime familjeve të viktimave që humbën jetën në minierën e CSM në Çeki.
Haradinaj shpreh ngushëllimet më të sinqerta për familjet që humbën më të dashurit e tyre në këtë tragjedi si dhe lutjet e popullit të tij janë me minatorët.
“I prekur nga tragjedia ne Minierën CSM të Çekisë, u kam dërguar telegram ngushëllimi Kryeministrit të Republikës së Çekisë, Andrej Babiš dhe Kryeministrit të Polonisë Mateusz Morawiecki.
Qeveria e Republikës së Kosovës shpreh ngushëllimet më të sinqerta për të gjithë familjet që humbën më të dashurit e tyre në këtë tragjedi.
Lutjet e popullit të Kosovës janë me të gjithë të prekurit nga ky aksident dhe solidarizohet me minatorët që pësuan lëndime, duke iu uruar shërim të shpejtë” tha Haradinaj./e.malaj/ /a.g/
