TIRANË, 24 shtator /ATSH/ – Ura e Slapit është një prej urave më të rëndësishme mesjetare përgjatë rrjedhës së këtij lumi. Ajo ndodhet pranë fshatit Mavrovë dhe ka statusin monument kulture e kategorisë së parë.
Ajo është urë e tipit me një hark me dopjo qemer dhe në të dy anët e harkut ruhet nga një kamare. Ura është ndërtuar në shek. XVII.
Drejt urës së Slapit mund të shkoni me çdo mjet transporti, duke ndjekur rrugën nga qyteti i Vlorës drejt fshatit Mavrovë. DRKK Vlorë ka realizuar restaurimin e saj në vitin 2016.
Përgjatë rrjedhës së lumit Shushicë për të siguruar kalimin dhe qarkullimin e njerëzve dhe mallrave në të dy brigjet e rrjedhës së këtij lumi përgjatë shekujve janë ngritur disa ura, të cilat përveç funksionit praktik, mjeshtëria e ndërtimit të tyre dëshmon dhe për një shije të lartë estetike të banorëve të krahinës së Labërisë./a.a/ /a.g/
