TIRANË, 24 shtator/ATSH/ Autoriteti Kombëtar i Ushqimit duke falënderuar emisionin “FIKS FARE” për denoncimin e transmetuar bën me dije se:
“Menjëherë pas denoncimit me zë dhe figurë nga emisioni investigativ “Fiks Fare”, se dy inspektorë të AKU-së kanë shkelur ligjin e nëpunësit duke marrë ryshfet prej 10 mijë lekë të reja, me urdhër të Drejtorit të Përgjithshëm u pezulluan menjëherë nga detyra:
1 – Arben Gupi, inspektor OSH, veteriner
2 – Medi Çela, inspektor OSH, veteriner
AKU inkurajon çdo media, çdo qytetar dhe çdo biznes që të denoncojë menjëherë çdo abuzim me sigurinë ushqimore apo autoritetin e inspektorit. /r.e/
