TIRANË, 16 gusht/ATSH/-Në më pak se një vit nga zgjedhjet vendore në Shqipëri, duhen marrë masa nga aktorët përkatës për të adresuar sfidat që lidhen me pjesëmarrjen e grave në politikë.
Organizata ndërkombëtare Un Women që operon edhe në Shqipëri, në drejtim të të drejtave të grave, ka theksuar se pjesëmarrja e grave në politikë ka ende sfida që duhen adresuar.
Një nga zërat më të fuqishëm në drejtim të adresimit të sfidave të tilla, zv/kryetarja e parlamentit, Vasilika Hysi ka theksuar se i duhet dhënë fund kandidimit formal të grave në politikë, duke refuzuar dorëheqjen e tyre për t’ia lënë mandatit një burri.
“I duhet dhënë fund praktikës së kandidimit formal të grave dhe vajzave dhe duhet refuzuar dorëheqja e tyre për ti lënë mandatin një burri”, -thotë zv/kryetarja e parlamentit, Vasilika Hysi. /a.g/
