TIRANË,28 korrik /ATSH/ – ”DokuFest” vjen në Tiranë për adhuruesit e filmave dhe të magjisë së ekranit të madh . Me një përzgjedhje të filmave nga programi i pasur i këtij edicioni ky edicion vjen me temën “Reflektimi”.
Filmat do të shfaqen tek Amfiteatri i Tiranës sonte duke filluar në orën 20:00.
Merrni miqtë dhe bashkohuni për një natë madhështore nën qetësinë e natyrës nën dritat e ekraneve të mëdha duke shijuar filmin që ju pëlqen.
Programi i filmave që do të shfaqjen janë:
HERE THERE IS NO EARTH (Martin DiCicco – USA/Armenia/Turkey, 2001)
Këtu, në vend të barit apo trëndafilave të egër, gurët e zinj mbijnë nga toka…
THE DRIVER IS RED (Randall Christopher – USA, 2017)
I vendosur në Argjentinë në vitin 1960, ky dokumentar i vërtetë i krimit ndjek historinë e agjentit të fshehtë Zvi Aharoni.
LAS NUBES (Juan Pablo González – Mexico, 2017)
Në qytetin Las Nubes, një pronar ferme tregon se si prej se ka ndaluar së maturi kohën kujtesa e tij është mjegulluar pothuajse tërësisht.
SOLAR WALK (Réka Bucsi – Hungary, 2018)
Solar Walk shfaq udhëtimin e individëve dhe krijimeve të tyre nëpër kohë dhe hapësirë.
SHUKRIA (Visar Jusufi – Kosovë, 2018)
Shukria na e tregon mënyrën primitive të të menduarit të shoqërisë patriarkale dhe rolin e gruas në atë kohë deri më sot.
SONÁMBULO (Theodore Ushev – Canada, 2015)
Një udhëtim surrealist përmes ngjyrave dhe formave inspiruar nga poezia Romance Sonambulo nga Federico Garcia Lorca. /a.a/ /a.g/
