ROMË, 18 qershor /ATSH-ANSA/ – Një komb i tërë, ndonëse me vetëm 330 mijë banorë, qëndron para televizionit për Kupën e Botës Rusi 2018.
Ky është suksesi që është arritur nga kombëtarja islandeze në debutimin e saj në Kupën e Botës, që përfundoi të shtunën me rezultatin befasues 1-1 kundër Argjentinës.
Sipas një mesazhi në “Twitter” nga Federata islandeze e Futbollit ndeshja në televizion është ndjekur praktikisht nga krejt popullsia e ishullit, duke arritur një nivel shikueshmërie prej 99,6 për qind.
Një shenjë kjo e pasionit me të cilin ndiqet kombëtarja në atdhe, të cilës autori i golit, Alfred Finnbogason me humor iu përgjigj se “0,4% që mungon ishte në fushë”. /G.S/
