ROMË, 29 maj /ATSH-ANSA/ – Pas blerjes së mesfushorit kroat Ante Koriç, “Roma” ka kthyer sytë nga mbrojtësi Ivan Marcano.
Me këtë veprim “Roma” përgatitet të zyrtarizojë blerjen e dytë në merkaton verore.
Mbrojtësi spanjoll 31-vjeçar, që në sezonin që sapo ka përfunduar luajti për ekipin e “Portos”, do të vijë në kryeqytetin italian nesër në darkë për t’u bërë pjesë e klubit me parametra zero.
Për Marcano është gati një kontratë trevjeçare prej rreth dy milionë eurosh në sezon. /G.S/
