TIRANË, 20 prill /ATSH- I. Vata/ – Këshilli Kombëtar i PD-së ka mirator sot statutin e partisë dhe pritet t’i përcillet për miratim Kuvendit Kombëtar më 28 -29 prill, deklaroi sot nënkryetari i Partisë Demokratike, Edi Paloka.
Pas mbledhjes së Këshillit Kombëtar të PD-së, Paloka në një prononcim për mediat mohoi zërat se nuk janë marrë parasysh mendimet ndryshe.
“Sot Këshilli Kombëtar miratoi statutin e ri të Partisë Demokratike, i cili do i paraqitet për miratim kuvendit, që do të mblidhet më 28-29 prill” tha ai.
Paloka shtoi se statuti nuk është thjeshtë çeshtje miratimi, por është një proces edhe më i gjerë që në radhë të parë kërkon edhe vullnet nga të gjitha palët.
I pyetur për zërat kritikë në PD, Paloka tha se në Kuvend u diskutua çdo nen i statutit të Partisë Demokratike, duke marrë parasysh të gjitha propozimet dhe që u votua me shumicë dërmuese nga Këshilli Kombëtar. /r.e/
