TIRANË, 24 Mars/ATSH/.- Investimi i radhës i qeverisë në qytetin e Prrenjasit është rikonstruksioni i Qendrës Kulturore, e cila e kishte humbur tërësisht funksionin për shkak të gjendjes pothuajse të rrënuar.
Përmes një postimi në rrjetin social “Facebook”, kryetari i grupit parlamentar të Partisë Socialiste, Taulant Balla informon mbi projektin që pritet t’ i japë Përrenjasit një qendër kuturore multifunksionale në shërbim të të gjitha grupmoshave.
“Qeveria shqiptare në bashkëpunim me qeverinë italiane përmes programit IADSA do të investojnë në rilindjen e kësaj qendre kuturore multifunksionale”, shkruan Balla.
Projekti “Rikonstruksioni i qendrës kulturore të qytetit”, me një vlerë prej 48,546,540 lekë, financohet në kuadër të programit italo-shqiptar të Konvertimit të Borxhit për Zhvillim. /m.m/
