TIRANE, 28 Shkurt/ATSH/- Kryeqyteti vazhdon të jetë i përfshirë nga ulja e temperaturave dhe reshjet e dëborës.
Por Bashkia e Tiranës i ka marrë të gjitha masat që të gjitha rrugët të janë të kalueshme për automjetet. Bashkia ka angazhuar të gjitha mjetet për mbajtjen hapur të rrugëve, ndërkohë që janë marrë masat edhe për strehimin e të gjithë atyre që në këto ditë të ftohta dimri nuk kanë një strehë.
“Në zonat malore borëpastrueset e Bashkisë së Tiranës po hapin rrugët rurale, ndërkohë në qytet është hapur qendra e emergjencave në Kombinat, për këdo që e ka zënë bora jashtë, ose s’ka mundur të kthehet nga rrethet e tjera! Ndihmoni kë të mundeni, pa panik dhe duke njoftuar 112”, deklaron kryebashkiaku Veliaj.
Bashkia ka ngritur magazina me fondin e ushqimeve dhe veshjeve për t’u ardhur në ndihmë banorëve të Tiranës në raste emergjencash. /a.g/
