TIRANE, 15 Shkurt/ATSH/ – Pesë monumente kulture të besimit islam, do t’i nënshtrohen ndërhyrjes restauruese së shpejti.
Një marrëveshje bashkëpunimi e cila u nënshkrua mes Ministrisë së Kulturës, dhe Komunitetit Mysliman të Shqipërisë, nga Ministrja e Kulturës, Mirela Kumbaro dhe Skënder Bruçaj i ka hapur rrugën këtij procesi.
“Një pjesë e tyre nuk kanë pasur restaurime ose restaurime të mirëfillta dhe janë në nevojë për një ndërhyrje të tillë. Tashmë ka mbaruar gjithë faza e përgatitjes së projektit dhe e miratimit të tyre dhe ne hapim së shpejti kantieret në këto 5 xhami”- theksoi Kumbaro.
Ajo shtoi se rëndësi do i kushtohet edhe Xhamisë së Plumbit në Shkodër e cila ka nevojë dhe për ndërhyrje të thellë.
“Prej vitesh ajo është objekt i përmbytjeve. Bëhet fjalë për një ndërhyrje të thellë në sistemin e kullimit dhe adrenazhit. Ndërtimin e një dige për ta shpëtuar një herë e përgjithmonë këtë xhami”- shtoi Kumbaro.
Kjo Marrëveshje Bashkëpunimi ka për qëllim koordinimin e punës, komunikimit dhe prezantimit të projekteve për ndërhyrje në 5 xhami monumente kulture Xhamisë Mbret Berat; Xhamisë se Beqareve Berat, Teqeja e Helvetive, Berat, Xhamisë Ethem Beut Tiranë, Xhamia e Pazarit”, Gjirokastrës” , mes Ministrisë dhe KMSH-së. Kjo kryhet në kuadër të projektit për ndërhyrje restauruese dhe rikonstruksioni të xhamive të sipërmendura financuar nga donatorët TIKA(Turkish Cooperation and Coordination Agency).
Në këtë ceremoni u prezantuan dhe projektet e restaurimit hartuar nga Instituti Monumenteve të Kulturës. /a.alla/ /a.g/
