TIRANË, 13 shkurt/ATSH/ Konsumatorët do të kenë tashmë një linjë telefonike të thirrjeve falas për adresimin e problematikave dhe shqetësimeve sa i përket sigurisë ushqimore.
Autoriteti Kombëtar i Ushqimit si dhe aktorë të angazhuar për mbrojtjen e konsumatorit prezantuan në Tiranë projektin “Linja e gjelbër për mbrojtjen e konsumatorit – Siguria ushqimore dhe forcimi i mbrojtjes së të drejtave të konsumatorëve në Shqipëri”, financuar nga BE.
Autoriteti Kombëtar i Ushqimit bën të ditur se qëllimi i këtij projekti është forcimi i kapaciteteve, harmonizimi i standardeve dhe të legjislacionit me atë të BE-së në fushën e mbrojtjes së konsumatorit.
“Angazhimi në tryeza diskutimi në vijim do të ketë për rrjedhojë platforma partneriteti në mbrojtje të të drejtave të konsumatorit”, bën të ditur AKU.
/r.e/