TIRANË, 3 shkurt/ATSH/ Në fshatin Bicaj të Kukësit ka hapur dyert shkolla e mesme “Bajram Abdiu”.
Kjo shkollë është investim i Ministrisë së Arsimit dhe Sportit dhe garanton kushtet më të mira për nxënësit dhe mësuesit e kësaj zone.
Ministrja e Arsimit dhe Sportit, Ogerta Manastirliu ndau në rrjetet sociale pamje nga kjo shkollë.
“Shkolla e re “Bajram Abdiu” në Bicaj të Kukësit, e rindërtuar me standardet më të mira bashkëkohore ka hapur dyert për nxënësit dhe mësuesit e kësaj zone, falë investimit të Ministrisë së Arsimit dhe Sportit dhe Bashkisë së Kukësit,” tha Manastirliu.
MAS në 2025 do të vijojnë investimet në kantieret e hapura në 40 shkolla. Me buxhetin e 2025 do të ndërtohen ose rikonstruktohen rreth 70-80 objekte arsimore të arsimit bazë, me rreth 1000-1200 klasa/laboratorë, ku do të përfitojnë rreth 20 000 -25 000 nxënës dhe 1500-2000 punonjës mësimorë.
/k.s/a.f/r.e/