MOSKE, 14 janar /ATSH-DPA/ – Një këshilltar i ngushtë i presidentit rus Vladimir Putin deklaroi se Ukraina dhe Moldavia mund të pushojnë së ekzistuari si shtete të pavarura në një intervistë me gazetën ruse Komsomolskaya Pravda.
“Nuk mund të përjashtohet që Ukraina të pushojë së ekzistuari këtë vit”, theksoi Nikolai Patrushev, ish-sekretar i Këshillit të Sigurisë Kombëtare Ruse.
Lidhur me Moldavinë, ai tha se ka të ngjarë “që ajo të bashkohet me një shtet tjetër ose të pushojë së ekzistuari fare”.
Patrushev është një bashkëpunëtor i ngushtë i Putinit dhe një mbështetës i pretendimeve të fuqisë së madhe të Rusisë, pavarësisht se është përgjegjës vetëm për politikën detare të Kremlinit që nga viti 2024.
”Moska do të pranojë një marrëveshje paqeje me Ukrainën vetëm nëse mban gadishullin e aneksuar të Krimesë, si dhe rajonet ukrainase të Luhansk, Donetsk, Zaporizhzhya dhe Kherson, tha ai. /os/