TIRANË, 12 janar/ATSH/ Policia e Tiranës njofton se një 56 vjeçar është qëlluar me armë zjarri dhe për pasojë ka ndërruar jetë.
Sipas njoftimit, ngjarja ka ndodhur te zona e pallatit me shugjeta, teksa Policia ka ngritur pika kontrolli për kapjen e autorit.
“Më datë 12.01.2025, rreth orës 20:40, tek “Pallati me Shigjeta” në rrugën “Myrte Zeneli”, është qëlluar me armë zjarri në drejtim të një automjeti me drejtues shtetasin B.N, rreth 56 vjeç, i cili si pasojë ka humbur jetën”, njofton Policia.
“Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit. Informacion më të detajuar mbi këtë ngjarje do të japim në vijim pas veprimeve hetimore paraprake”, përfundon njoftimi.