TIRANË, 3 janar/ATSH/ Shërbimi Meteorologjik Ushtarak bëri të ditur se ditën e premte vendi ynë do të ndikohet nga kushte atmosferike të paqëndrueshme për shkak të depërtimit të masave ajrore të lagështa dhe më të ftohta me origjinë veriperëndimore.
Moti parashikohet me vranësira mesatare deri të dendura si dhe me alternime kthjellimesh (diell) kryesisht përgjatë ultësirës perëndimore dhe kryesisht përgjatë pjesës së parë të ditës. Vranësirat do të shoqërohen me reshje shiu të herëpashershme me intensitet të ulët dhe në mbrëmje deri në mesatar. Në zonën e Alpeve dhe në relievet malore në verilindje pas orëve të pasdites në lartësitë mbi 400-500 metër reshje dëbore me intensitet të ulët deri në mesatar. Parashikohet mjegull e dendur dhe mjegullinë dhe shikim i reduktuar për shkak të reshjeve të shiut dhe dëborës.
Era do të fryjë me drejtim juglindje – jugperëndim me shpejtësi mesatare 2-8 m/sek, ndërsa në lugina dhe bregdet hera-herës do të arrijë shpejtësi 10-16 m/sek shoqëruar me valëzimin në dete të forcës 3-4 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 1/10 | Re shi |
| Kukës | -3/-1 | Re shi/borë |
| Lezhë | 0/9 | Re shi |
| Dibër | -1/7 | Re shi/borë |
| Durrës | 6/13 | Diell re shi |
| Tiranë | 4/12 | Diell re shi |
| Elbasan | 4/11 | Diell re shi |
| Berat | -2/12 | Diell re shi |
| Vlorë | 4/11 | Diell re shi |
| Korçë | -4/6 | Diell re |
| Gjirokastër | -4/11 | Diell re shi |
| Sarandë | 7/15 | Diell re shi |
/a.f/