TIRANË, 31 dhjetor/ATSH/ – Me një kartolinë të veçantë, të përzgjedhur nga arkivi i saj, të një dite pazari në Tiranë, në vitin 1950, Agjencia Telegrafike Shqiptare (ATSH) uron të gjithë shqiptarët, lexuesit dhe ndjekësit e saj që viti i ri 2025 të jetë i mbushur me gëzim, paqe dhe begati.
Në këto momente të veçanta, duam t’ju shprehim urimet më të ngrohta dhe më të sinqerta për një vit të ri plot shëndet, lumturi dhe suksese! Viti që lamë pas ka qenë i mbushur me sfida dhe arritje dhe ne jemi krenarë që kemi qenë në shërbimin tuaj duke sjellë lajmet dhe informacionet më të rëndësishme nga Shqipëria dhe bota. Falë besimit dhe mbështetjes suaj, ne kemi mundur të rritemi dhe të përmirësohemi çdo ditë.
Për ATSH-në, ky vit ka qenë një udhëtim i pasur me ngjarje që tregojnë përpjekjet, sukseset dhe përjetimet e Shqipërisë dhe shqiptarëve kudo ndodhen.
Nga raportimet e përditshme deri tek reportazhet e historitë që na bashkojnë, ne kemi qenë pranë jush duke ndarë çdo zhvillim dhe duke ju ofruar informacionin më të saktë dhe më të besueshëm.
Ne do të vazhdojmë të jemi pranë jush për të ndarë historitë dhe ngjarjet që ndikojnë në jetën tuaj, ashtu sikundër do të vazhdojmë të promovojmë vlerat dhe bukuritë e Shqipërisë sonë të dashur.
Ne jemi të përkushtuar të ruajmë standardet më të larta të gazetarisë duke mbajtur gjithmonë në fokus interesin tuaj dhe të vërtetën.
Ju falënderojmë nga zemra për besimin dhe mbështetjen tuaj të paçmueshme.
Ju urojmë një vit të ri të mbushur me gëzim, paqe dhe begati! Le të jetë ky vit një udhëtim i ri me mundësi dhe suksese për të gjithë ne!
Gëzuar Vitin e Ri 2025!
Me respekt dhe mirënjohje,
Ekipi i Agjencisë Telegrafike Shqiptare