TIRANË, 27 dhjetor/ATSH/ Këshilli i Ministrave vendosi në mbledhjen e fundit disa ndryshime në vendimin “Për financimin e projektit “Ekipet sportive në shkolla”, në kuadër të lëvizjes olimpike shqiptare të Komitetit Olimpik Kombëtar Shqiptar (KOKSH), të ndryshuar.
Sipas vendimit të qeverisë, do të financohen 750 000 000 lekë për projektin “Ekipet sportive në shkolla”, në kuadër të lëvizjes olimpike shqiptare të Komitetit Olimpik Kombëtar Shqiptar (KOKSH) dhe 200 000 000 lekë të projektit “Ekipet sportive në shkolla”, në kuadër të lëvizjes olimpike shqiptare të Komitetit Olimpik Kombëtar Shqiptar (KOKSH) dhe për aktivitete në kuadër të ndërkombëtarizimit të sporteve.
Këto financime ndahen në: 250 000 000 lekë nga fondet buxhetore të vitit 2022; 350 000 000 lekë nga fondet buxhetore të vitit 2023; 150 000 000 lekë nga fondet buxhetore të vitit 2024; 200 000 000 lekë nga fondet buxhetore të vitit 2024 për projektin “Ekipet sportive në shkolla” dhe për aktivitete në kuadër të ndërkombëtarizimit të sporteve.
Për zbatimin e vendimit ngarkohen Ministria e Arsimit dhe Sportit dhe Komiteti Olimpik Kombëtar Shqiptar.
Ky vendim hyn në fuqi pas botimit në “Fletoren zyrtare”.
/k.s//a.f/