UASHINGTON, 2 tetor /ATSH-DPA/- Shtetet e Bashkuara të Amerikës nuk e mbështesin sulmin ndaj objekteve bërthamore të Iranit – pas sulmit të tij raketor ndaj Izraelit, tha sot presidenti amerikan, Joe Biden.
Biden u tha gazetarëve se do të vendosen më shumë sanksione ndaj Iranit pasi ai lëshoi rreth 200 raketa në Izrael dje në mbrëmje.
Naftali Bennett, një ish-kryeministër izraelit, i ka kërkuar qeverisë së Netanyahut të shkojë më tej dhe të shkatërrojë projektin bërthamor të Iranit, të shkatërrojë objektet e tyre të mëdha energjetike dhe të godasë këtë regjim terrorist.
Besohet gjerësisht se Izraeli do të kishte nevojë për ndihmën e SHBA-së për të shkatërruar në mënyrë efektive vendet bërthamore nëntokësore të Iranit, një veprim që mund të ndezë një luftë të gjithanshme rajonale.
Kryeministri izraelit deklaroi pas sulmit të Teheranit se Irani kishte bërë një gabim të madh dhe se do ta paguajë atë – duke u zotuar se kushdo që sulmonte Izraelin do te sulmohej. //a.i/