TIRANË, 16 shtator/ATSH/ Në të gjithë strukturat spitalore publike të vendit në 7 muajt e parë të këtij viti janë kryer 38 444 ndërhyrje kirurgjikale.
Kjo shifër u bë e ditur nga ministrja e Shëndetësisë dhe Mbrojtjes Sociale, Albana Koçiu.
Koçiu tha se këto ndërhyrje janë mundësuar falë investimeve të vazhdueshme të buxhetit në shëndetësi.
“38 444 ndërhyrje kirurgjikale të suksesshme janë realizuar në strukturat spitalore publike gjatë 7 muajve të vitit 2024 ose 1310 operacione më shumë krahasuar me të njëjtën periudhë të një viti më parë”, theksoi Koçiu.
Ministrja Koçiu u shpreh se “investimet e vazhdueshme të buxhetit të shtetit në infrastrukturën spitalore si dhe në rinovimin e flotës së pajisjeve mjekësore me aparatura të teknologjisë së fundit, falë edhe përkushtimit dhe profesionalizmit të ekipeve tona mjekësore kanë siguruar përmirësim të shërbimeve ndaj qytetarëve’.
Me buxhetin e 2024 po mbështetet rikonstruksioni i 60 qendrave shëndetësore dhe ambulancave, pjesë e programit madhor të rikonstruksionit 2023-2024.
/a.f/
/k.s/