UASHINGTON, 6 gusht /ATSH-DPA/- Kandidatja demokrate për presidente, Kamala Harris, zgjodhi guvernatorin e Minesotës, Tim Walz – si zëvendëspresidentin e saj, raportuan sot CNN dhe Washington Post.
Walz mundi Josh Shapiro, guvernatorin e Pensilvanisë dhe Andy Beshear, guvernatorin e Kentakit.
Dyshja Harris-Walz do të përballet me ish-presidentin republikan Donald Trump dhe zëvendëspresidentin e tij, JD Vance, në garën e 5 nëntorit për Shtëpinë e Bardhë.
Ky është vendimi i parë i rëndësishëm i Harris – që kur ajo u bë kandidate e partisë së saj të qendrës së majtë.
Presidenti Joe Biden i dha fund kandidaturës së tij për rizgjedhje në korrik – dhe ia kaloi stafetën Harris.
Sondazhet e fundit kanë treguar se gara mes Harris dhe Trump është në nivel të barabartë. //a.i/