TIRNË, 24 qershor/ATSH/ 45 mjekë dhe infermierë do të përfitojnë kredi me 0% interes për blerjen e një banese.
Ministrja e Shëndetësisë dhe Mbrojtjes Sociale, Albana Koçiu bëri të ditur sot se “janë miratuar kuotat për kredi me 0% interes për vitin 2024 për blerjen e një banese, për 45 profesionistë të mjekësisë, sipas kritereve të përcaktuara në vendimin e fundit të Këshillit të Ministrave”.
Këshilli i Ministrave miratoi në 19 qershor kuotat e përgjithshme të kredive të reja për kategoritë prioritare të të punësuarve përfitues në administratën publike.
Për vitin 2024 kuotat e përgjithshme të kredive të lehtësuara për administratën publike për janë gjithsej 300.
