BERLIN, 24 janar /ATSH-DPA/ – Kancelari gjerman Olaf Scholz u ka bërë thirrje vendeve evropiane që të bëjnë më shumë përpjekje për të mbështetur Ukrainën në luftën e saj kundër pushtimit të vazhdueshëm të Rusisë.
“Kontributet që shtetet evropiane kanë caktuar deri më tani për vitin 2024 nuk janë ende të mjaftueshme”, tha Scholz në një intervistë për gazetën “Die Zeit”.
“Evropa duhet të diskutojë se çfarë mund të kontribuojë secili vend, në mënyrë që ne të rrisim ndjeshëm mbështetjen tonë”, tha ai.
“Ukraina duhet të jetë në gjendje të mbrojë territorin e saj dhe kjo nuk duhet të dështojë për shkak të mungesës së mbrojtjes ajrore, artilerisë, tankeve apo municioneve”, theksoi Scholz.
“Është bindja ime e fortë se Evropa duhet të bëjë më shumë për të mbështetur Ukrainën në mbrojtjen e vendit të saj”, tha ai.
“Gjermania është përballur me kritika të shpeshta nga vendet e tjera të Bashkimit Evropian për mbështetjen e saj për Ukrainën, pavarësisht se ka ofruar ndihmë të gjerë për vendin”, tha Scholz.
“Jam shumë i irrituar që më duhet të përballem vazhdimisht me kritika në Gjermani se qeveria po heziton dhe po bën shumë pak përpjekje. Megjithatë ne po bëjmë më shumë se të gjitha shtetet e tjera të BE-së, shumë më tepër”, tha Scholz.//a.i/