TIRANË, 3 nëntor /ATSH/ Forca Speciale nga 8 vende të Ballkanit marrin pjesë në stërvitjen ‘Strong Balkan 23’, e cila zhvillohet për herë të parë në Shqipëri.
Ministri i Mbrojtjes, Niko Peleshi u shpreh sot se Forcat Speciale nga 8 vende të Ballkanit do të stërviten së bashku, për të rritur më shumë bashkëpunimin rajonal.
Peleshi theksoi se, Forcat Speciale do të përftojnë njëherësh rritje në nivelin profesional, aftësim taktik, operacional e strategjik, për të përballuar sfidat komplekse që paraqet sot mjedisi i sigurisë.
/r.e/