TIRANË, 26 tetor/ATSH/ Shërbimi Meteorologjik Ushtarak bëri të ditur se për ditën e enjte vendi ynë do të ndikohet nga kushte atmosferike të paqëndrueshme për shkak të masave ajrore të paqëndrueshme dhe të lagështa me origjinë jugperëndimore.
Moti parashikohet me alternime kthjellimesh e vranësira mesatare dhe hera-herës deri të dendura. Reshje shiu të herëpashershme me intensitet të ulët, ndërsa në veriperëndim dhe jug reshjet me intensitet mesatar dhe lokalisht të lartë në formën e shtrëngatave dhe rrebesheve. Mjegullinë në orët e mëngjesit nga reshjet e shiut.
Era do të fryjë intensive me drejtim juglindje – jugperëndim me shpejtësi mesatare 2-9 m/s, ndërsa në bregdet dhe lugina era relativisht intensive dhe shpejtësi 12-16m/s duke bërë që valëzimi në dete të jetë i forcës 4-5 ballë.
Temperaturat parashikohen:
| QYTETET | Temperaturat në °C | Sigla |
| Shkodër | 13/21 | Re shi |
| Kukës | 12/23 | Re shi diell |
| Lezhë | 12/23 | Re shi |
| Dibër | 10/20 | Re shi diell |
| Durrës | 14/24 | Re shi |
| Tiranë | 15/23 | Re shi diell |
| Elbasan | 13/24 | Re shi diell |
| Berat | 12/27 | Re shi diell |
| Vlorë | 15/27 | Re shi |
| Korçë | 10/23 | Re shi diell |
| Gjirokastër | 9/25 | Re shi |
| Sarandë | 13/26 | Re shi |