BRUKSEL, 25 shtator /ATSH-DPA/ – Komisioni Evropian ka kufizuar sot shitjen e mikroplastikës dhe produkteve që lëshojnë qëllimisht mikroplastikë gjatë përdorimit, thuhet në një njoftim për shtyp.
Rregullat e reja do të ndihmojnë në parandalimin e lëshimit të gjysmë milioni tonë mikroplastikë në mjedis.
“Rreth 42 000 tonë mikroplastikë të shtuar qëllimisht në produkte lëshohen në mjedis në Bashkimin Evropian çdo vit”, tha komisioni.
“Ndalimi i mikroplastikës së shtuar qëllimisht trajton një shqetësim serioz për mjedisin dhe shëndetin e njerëzve. Mikroplastikët gjenden në dete, lumenj dhe në tokë, si dhe në ushqim dhe ujë të pijshëm”, tha Komisioneri i Mjedisit i BE-së, Virginijus Sinkevičius.
“Kufizimi i sotëm ka të bëjë me grimcat shumë të vogla, por është një hap i madh drejt reduktimit të ndotjes së shkaktuar nga njeriu”, shtoi ai. //a.i/