TIRANË, 23 korrik/ATSH/ Komisioni Qendror i Zgjedhjeve bën të ditur se procesi i votimit për zgjedhjen e kryetarit të bashkisë së Rrogozhinës po vijon normalisht.
Sipas KQZ-së, të gjithë qendrat e votimit janë hapur në orën 07:00 dhe do të qëndrojnë të hapura deri në orën 19:00.
Sipas raportimeve në Komisionin Qendror të Zgjedhjeve në çdo qendër votimi, identifikimi elektronik i zgjedhësve po kryhet rregullisht.
“Operatorët e pajisjeve elektronike të identifikimit të zgjedhësve janë në krye të detyrës dhe nuk ka asnjë problematikë apo vështirësi në përdorimin e identifikimit elektronik”, bën të ditur KQZ.
Gjatë procesit të votimit në Rrogozhinë; FOTO: Florian Abazaj
