BRUKSEL, 19 korrik /ATSH/ – Belgjika ka miratuar një listë të re të vendeve të sigurta të origjinës, sipas https://www.cgrs.be/en/news/new-list-safe-countries-4.
Kjo ka disa pasoja specifike për procedurën në CGRS dhe për procedurën e ankimimit në Këshillin për Çështjet e Ligjeve për të Huajt.
Vendi i origjinës mund të konsiderohet i sigurt nëse në përgjithësi dhe vazhdimisht nuk ka persekutim ose rrezik për të pësuar dëme serioze.
Për të përcaktuar nëse një vend është i sigurt, merren parasysh gjendja ligjore, zbatimi i shtetit të së drejtës dhe kushtet e përgjithshme politike në vend.
Belgjika e ka përditësuar këtë listë më 7 prill 2023 dhe e ka botuar në Gazetën Zyrtare më 10 korrik 2023.
Aktualisht, vendet e mëposhtme konsiderohen si vende të sigurta të origjinës:
Shqipëria
Bosnje-Hercegovina
Republika e Maqedonisë së Veriut
Kosova
Mali i Zi
Serbia
India
Kjo listë rishikohet të paktën një herë në vit dhe mund të përditësohet në bazë të situatës më të fundit në vend.
Për qytetarët e një vendi që figuron në listën e vendeve të sigurta të origjinës, vlen prezumimi se mbrojtja ndërkombëtare nuk është e nevojshme. Prandaj, azilkërkuesit nga këto vende duhet të paraqesin elemente që tregojnë qartë se në rastin e tyre, vendi i tyre nuk mund të konsiderohet i sigurt.
Si rezultat, barra e provës i takon azilkërkuesit./ a.jor.