PARIS, 19 qershor /ATSH-DPA/ – Ministri gjerman i Mbrojtjes, Boris Pistorius pritet të marrë pjesë në takimet evropiane të mbrojtjes ajrore në Paris, mes mosmarrëveshjeve mbi mënyrën e modernizimit të sistemeve të mbrojtjes ajrore të Evropës.
Ministria e Mbrojtjes në Berlin ka konfirmuar vetëm se do të marrë pjesë në bisedime në një njoftim të shkurtër.
Franca, e cila organizoi bisedimet e Parisit, nuk iu bashkua Iniciativës Evropiane të Mbrojtjes së Qiellit (Essi), e cila u nis nga Gjermania dhe tani përfshin 17 vende.
Pistorius dëshiron të sqarojë se nisma gjermane nuk konkurron me NATO-n dhe BE-në, sipas ministrisë gjermane të mbrojtjes, por synonte të forconte të dyja organizatat.
Projekti Essi synon të ndihmojë në plotësimin e boshllëqeve në sistemin e mbrojtjes ajrore të NATO-s për Evropën, duke përfshirë blerjen e sistemit me rreze të gjatë veprimi të Izraelit Arrow 3. /os/