PRISHTINË, 13 mars /ATSH Kryeministri i Kosovës, Albin Kurti priti sot në takim shefin e EULEX-it, Lars Gunnar Wigemark.
Me Wigemark, Kurti diskutoi për zhvillimet e fundit dhe çështje aktuale, me theks, siç u bë e ditur në komunikatë, te fusha e sundimit të ligjit dhe situatës së përgjithshme të sigurisë në vend.
“Ai u informua nga z. Wigemark për zbatimin e detyrave të EULEX-ut në kuadër të mandatit aktual dhe folën për bashkëpunimin ndërmjet institucioneve vendore dhe misionit të EULEX.”, u bë e ditur në njoftim./KosovaPress/