LONDER, 2 mars /ATSH-DPA/ – Steve Mackey, basisti i grupit britanik-pop ”Pulp”, ka vdekur në moshën 56-vjeçare.
Grupi, i njohur për hitet e tyre duke përfshirë ”Common People” dhe ”Disco 2000”, njoftoi në faqen e tyre në Instagram se muzikanti ndërroi jetë sot.
Krahas një fotoje të Mackey duke u ngjitur në Ande, grupi shkroi: “Miku ynë i dashur dhe basisti Steve Mackey ndërroi jetë këtë mëngjes. Mendimet tona janë me familjen dhe të dashurit e tij.”
“Kjo foto e Steve është nga koha kur ‘Pulp’ po bënte turne në Amerikën e Jugut në vitin 2012. Ne patëm një ditë pushimi dhe Steve sugjeroi të shkonim për të ngjitur shkëmbinj në Ande. Kështu bëmë”, shkruajnë ata.
“Dhe ishte një përvojë krejtësisht magjike. Shumë më magjike sesa të ngulim sytë në murin e dhomës së hotelit gjatë gjithë ditës (që ndoshta është ajo që do të kishim bërë ndryshe)”, theksuan ata. /os/