TIRANË, 15 dhjetor/ATSH/ Operatori i Shpërndarjes së Energjisë Elektrike (OSHEE) bën të ditur se si pasojë e motit të keq, kryesisht në veri të vendit, disa linja të OSSH pësuan avari.
“Ekipet e OSSH po përballen me motin e keq, borë dhe ngrica, sidomos në zonat e Shkodrës dhe Tropojës, megjithatë ndodhen në terren për riparimin e linjave”, bën të ditur OSHEE.
OSHEE bën të ditur se sa i përket furnizimit me energji elektrike të hidrovoreve, të gjithë fiderat, nënstacionet si dhe linjat 35 kV ndodhen në funksion të plotë.
/r.e/