TIRANË, 9 dhjetor/ATSH/ Drejtoria e Përgjithshme Detare njoftoi se si rezultat i erërave të forta me drejtim jug-juglindje dhe jug- jugperëndim në datat 9-10 dhe 11 dhjetor moti do të jetë i përkeqësuar.
Sipas DPD-së, era do të jetë forcë 5-9 bft, 1.00-1.50m dhe shpejtësi 12-25m/s dhe lartësi dallge nga 1.50 deri 3.00 metra.
Drejtoria Detare bëri të ditur se subjektet që ushtrojnë veprimtari në fushën e detarisë, duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit.
Përmirësimi i situatës meteorologjike do të jetë mbas datës 11 dhjetor.
/k.s/