TIRANË, 16 nëntor /ATSH/ Policia Rrugore e Elbasanit ka arrestuar 6 drejtues mjetesh si dhe ka pezulluar 31 leje drejtimi për shkelje të rregullave të qarkullimit rrugor gjatë një jave.
Policia e Shtetit njoftoi sot se, Policia Rrugore vijon kontrollet intensive në të gjitha akset rrugore të qarkut të Elbasanit, për rritjen e parametrave të sigurisë rrugore.
Gjatë një jave, si rezultat i kontrolleve të shtuara në kuadër të masave për rritjen e parametrave të sigurisë rrugore, janë arrestuar 6 drejtues mjetesh, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Gjithashtu janë pezulluar 31 leje drejtimi, nga të cilat 21 për tejkalim të normave të shpejtësisë dhe 10 për drejtim të mjetit nën ndikimin e alkoolit.
/r.e/