TIRANË, 21 tetor/ATSH/ Qytetarë dhe aktivistë të shoqërisë civile zhvilluan mbrëmjen e sotme një protestë përpara Ministrisë së Brendshme dhe Kryeministrisë për vdekjen e 32-vjeçarit Lear Kurti.
Gjatë qëndrimit përpara Ministrisë së Brendshme qytetarët ndezën qirinj dhe mbajtën fjalime, ku kërkuan drejtësi dhe zbardhjen e rastit të të riut që ndërroi jetë dy netë më parë. Më pas ata u drejtuan përpara Kryeministrisë.
Sipas ekspertizës, Lear Kurti, ndërroi jetë më 19 tetor nga arresti kardiak që iu shkaktua si pasojë e overdozës, pasi gëlltiti qesen me kokainë, nga frika se mos e kapte policia me drogë.
/k.s/