TIRANË, 30 shtator/ ATSH/ “Numri një britanik, Cameron Norrie u tërhoq nga Korea Open më pak se një orë para çerekfinales së tij kundër amerikanit, Jenson Brooksby”, raporton BBC Sport.
Shoqata e Tenisëve Profesionalistë (ATP) konfirmoi se 27-vjeçari nuk ishte në gjendje të luante në fazën e dytë për shkak të sëmundjes.
Norrie tha se vuante nga Jet Lag (një problem i përkohshëm i gjumit që mund të prekë këdo që udhëton shpesh nëpër zona të shumta kohore) pasi mposhti Japonezin Kaichi Uchida 6-2 6-2 në raundin e kaluar.
Norrie ka fituar dy tituj këtë vit dhe ka arritur në top 10 për herë të parë.
Ai është i teti në botë dhe kërkon një vend në finalet e ATP-së në fund të sezonit në Torino në nëntor.
Norrie kishte caktuar Korea Open dhe Japan Open, e cila fillon më 3 tetor, si një mundësi për të marrë pikë në renditjen e Garës për në Torino. Aktualisht në vendin e 11-të, ai duhet të përfundojë në tetë më të mirët për t’u kualifikuar.
Ai u bë lojtari i tretë i renditur që u tërhoq nga Korea Open pasi faza e gjashtë Borna Coric u largua të hënën dhe faza e tretë Taylor Fritz u tërhoq të enjten.
Kryesuesi Casper Ruud, i Norvegjisë është gjithashtu jashtë fushës pasi humbi 6-2 3-6 6-2 ndaj japonezit Yoshihito Nishioka në çerekfinale të premten.
Nishioka do të luajë më pas me fituesin midis Mackenzie McDonald dhe Aleksander Kovacevic, ndërsa faza e tetë Brooksby do të luajë me kanadezin Denis Shapovalov në gjysmëfinale.